SAFAR

Soye soye se kuch sapne inn aankhon me.. khoye khoye kuch armaan..

Ugte suraj ki kirnon me hai inhe umeed ki talaash..

Subah ke ujaalon me hogi mazil se pehchan..

Magar raah bhatke ye musafir.. na pata jana hai kis dagar..

Kabhi bhatak ke ye chale.. Kabhi chalke ye bhatke..

Aur kuch issi tarah bar raha hai ye safar...

Har din naya.. har subah nayi..

Mujhse ye kehti rahi..

Chal aa aazma le kismat apni aaj fir..

Kya pata inhi raahon pe mil jaye tujhe umeed koi..

Pal pal ek safar naya..

Naye safar me mile musafir naye..

Aaj saath - saath mere.. kal juda hoke chale..

In raaston ki to dastan hai yahi..

Kabhi gir ke ye sambhale.. kabhi sambhal ke ye gire..

Aur kuch issi tarah chal raha hai ye safar...

Gir ke zakham khaye bhi agar to dard ab hota nahi..

Raah me kho bhi jaaye saathi koi.. magar raahon pe unn.. musafir ye rukta nahi..

Hai safar me akela ab to kya ??.. Himmat na isne abhi haari hai..

Kyunki ugte suraj ki kirnon me umeed ki talaash baki hai..

Soye soye se kuch sapne khoye khoye kuch armaan.. inn aankhon me abhi kafi hai..

Kabhi bhatak ke ye chale.. kabhi chalke ye bhatke..

Aur kuch issi tarah ye safar jari hai...