Khudgarz...

Jane kab kyun kaise ye hua hai,

Pal me hi sab kuch jaise badal gaya hai..
Dikhta tha aaine me aksh jo kal tak,
Saksh wo aaj kho gaya hai..
Kal tak thi jisko parwah har dil ki,
Aaj wo khud ke liye jee raha hai..
Na dikhte mujhko ab aansoo kisi ke,
Na dard hi kisi ka ab mera hua hai..
Jane kab kyun kaise.. Dil itna Bebaak hua hai...

Thi ye kahani jaise kal ki,
Jab mene sabki kahani suni thi..
Manga jab jab saath jisne bhi mera, Saath uske har waqt main khara tha..
Jane kyun dil ye nadan.. itna na samjha.. Karne ko sapne pure unke.. Main to bas ek Mohra tha..
Chaha jo saath mene kisi ka.. Na khwabon ki khushi me.. Na toote sapno ke gum me.. Saath koi mere chala tha..
Jashan khud hi mene apni barbadiyo ka manaya..
Goom na jane kanha wo log hue.. Jinke sapno ko tha sach mene banaya..
Is bebaak dil ki to hai bas itni si kahani..
Ke apni barbadiyo ki daastan isne khud hi likh dali..
Paak dil sab yanha samajh kar,
Jane kyun chal diya main aankhein moond kar..
Dil jo mera ye abke sambhla hai,
Khudgarz bhi.. Khudar bhi.. Bebaak ye hua hai...

Dekh ke hansi wo jhooti kisi ki, saksh na ye ab hansta hai..
Dekh ke aansoo bhi jhoote kisi ke, dil na ye ab rota hai..
Firte hai log liye namak muthi me, kon yanha kisi ke zakham bharta hai..
Dekhta hun main yanha khwabon ko roj hi toote hue,
Fir un toote khwabo ki asthiyo pe kisi ko bikharte hue..
Dekhta hun main yanha zamane ki daur me roj hi logo ko girte hue,
Fir us haar ke andhere me ghut ghut ke marte hue..
Kyun saksh ye dekh ke bhi sab kuch, yun muh fer leta hai..
Kya dil hai itna khudgarz iska, jo use yun rok deta hai..
Hun hairan main is baat se..
Kaise hua itna bebaak main...

Kyun hua is kadar beparwah bebaak main,
Dil shayad yahi samajhne ki koshish kar raha hai..
Hata ke wo hansi ke mukhote jhoote.. nakabo ke bich aaine me aaj.. khud ko dhoond raha hai..
Kuch ajab si khudgarzi hai is shahar ki aabo hawa me hi shayad,
Jo har saksh is kadar so raha hai,
Hokar door wo apno se.. apne liye jee raha hai..
Hua asar in hawao ka kuch mujh par bhi aise shayad,
Jo dil mera ab is tarah beparwah bebaak ho raha hai..
Kehta hai aaina ye mujhse.. hai rasta wo ab bhi wanhi..
Chal ke jispe mil jaun main raho me.. khud se hi kanhi..
Par chalne ko un raho pe fir se dil darta hai,
Aaine se aaj ye saksh bas itna hi kehta hai..
Dar lagta hai ab to sambhalne me kanhi fir se bikhar na jaun main..
Khudgarz hi sahi.. khush hun apne janha me.. bankar is kadar Bebaak main.....

Mukaam...

Choti si zindagi thi, choti si thi dastan..
Na daman me kuch tha, na koi apne paas tha..
Bas zindagi ke liye zindagi se larne ka, chota sa ek jazba saath tha..
Thora  jamane ki dhoop thi, thori maa ke aanchal ki chanv thi..
Chota sa wo bachpan, Masoom sa ek swaal tha..
Mere sapno ki uraan ke liye wo aangan bhi kuch chota tha..
Paane ko sone ka khilona, mene matti ka gudda tora tha..
Thora sa gurur tha, thora main kuch ziddi tha..
Thori si nadani meri, thora khud pe abhimaan tha..
Thora sa main khoya tha, thora sa main soya tha..
Pane ko apni chahat jane kitni baar main roya tha..
Thora mene paaya tha, thora mene kuch khoya tha..
Sahne ko us dard ko main to bahut chota tha..
Paaya jo waqt tushti ka to waqt bhi wo thora tha..
Khwabo ke liye larte larte jane kab mene apna bachpan chora tha..


Mili jo duniya mujhko uska nisaan bhi thora tha..
Thora main akela, thora mehfil ke saath tha..
Par pane ka mukaam ek mujhpe nasha bhi thora tha..
Thori si himmat thi, thora sa junoon tha..
Thora sa tajurba, thora main gumshuda sa tha..
Hua jo arsh hasil mujhe, wo mukam bhi thora tha..
Sab kuch jaise paas tha, sab kuch jaise door tha..
Thora main maashgool tha, thora main magroor tha..
Pa na saka apni mohbbat, jane kyun itna majboor tha..
Thori si nafrat zamane se, thora sa is dil me pyaar tha..
Par lane ko zuban pe mere paas lafaz bhi thore the..
Thori si hasrate thi, thore kuch armaan the..
Par aage barne ki daur me mene wo sab bhi chore the..
Thora sa mukam tha, thora sa malaal tha..
Thora kuch pane ko, thora kuch khone ko tha..
Kuch yunhi mene zindagi se nata jora tha..


Samjha ye mene ke pane ko muthi me wo duniya bahut choti thi..
Thori si baki thi zindagi, thora maut ka intezaar tha..
Mit gaye the kuch nisaan kuch baki haato ki lakire thi..
Ho sake bahal sab kuch dil ki ye tamanna choti si thi..
Apne usoolo ki khatir jane kitno ka mene dil tora tha..
Sab kuch pane ke lalach me mene jane kya kuch chora tha..
Jami bhi thori thi, Aasamaan bhi thora tha..
Jidd me apni mene to ye janha bhi chora tha..
Thore se aansoo the, thori si hansi thi..
Dil me jaise koi baat si chubhi thi..
Par karne ko sab kuch naya sa wo waqt bhi thora sa tha..
Nibha saath itne  baras ab zindagi ne saath mera chora tha.
Thori shikayat thi maut se, thora zindagi se main khafa tha..
Afoshosh na tha khud ke hashr ka bas itna sa malaal tha..
Mila jo kafan mujhe, wo kafan bhi thora sa tha......

SAMANDAR..

Bheeni bheeni matti ki ye khushboo sukun jane kaisa dil me laayi hai,
Boondein kuch baris ki meri palkon pe bhi yun chhai hai..
Kadam kyun mere chahte unn raahon se aaj gujarna
Girte the thokar kha ke janha bachpan me aur sikha tha janha chalna..
Yun to gujre aksar inn raahon se fer ke muh apna,
Dekha tha janha bachpan me chhota sa ek sapna..
Fir kyun raahein aaj mujhe yanha khinch laayi hai..
Shayad.. Dil ko mere kuch yaadein yaad aayi hai....

Bar raha hun in raahon me.. dekhta khud ko khelta uss aangan me,
Thi banzar zameen jo barso se, pari kuch boondein aasman se aaj uss aangan me..
Dekhta hun khud ko aangan ke uss pani me khilkhilate,
The din kya wo bhi jab uss pani me hum the apni kashti bahate..
Kuch usi tarah aaj fir iss aangan me hai samandar bhara,
Par kashti nahi kagaz ki.. beh raha aaj isme yaadon ka ek toota ghara
Ki thi koshish mene door iss samandar se jane ki.. Par na jane kyun kuch leharein mujhe yanha baha laayi hai..
Shayad.. Dil ko mere kuch yaadein yaad aayi hai....

Har kadam ke saath manzar wo fir se aankhon ke samne ghum raha,
Par chahta hai dil kuch aur hi mera.. shayad isliye unko palkon pe behne se hai rok raha..
Ye yaadein jo kuch meethi si hawa ka jhonka baha laaya hai..
To behta ye samandar kadamon tale mere, zehar bhi sang laaya hai..
Dekha isi aangan me ek sapna.. Isi aangna me fir wo toota
Gairon se to tha khair shikwa.. par apno se bhi fir main rootha..
Jab ban gaye the faslein itne yanha.. to fir kyun hawa mujhe yanha ura laayi hai..
Shayad.. Dil ko mere kuch yaadein yaad aayi hai....

Thi jung ek wo meri apno se apne astitav ki khatir,
Jeeta sapno ko apne khud hi torkar, kab tak main aakhir ??
Chal hi pari aasiyaane me mere ahem ki wo aandhi..
Mit to chuka tha sab kuch pahle hi bas ek dor thi tootni baki..
Tha wo ahem mera.. ya uss ghutan ka tha ehsaas, suroor mera jeet gaya..
Tor ke dor wo kacchi, apno se door main apne raaston pe chal diya
Thi raahe jo alag meri.. fir kyun aaj wo unn bichhri raahon se mil aayi hai
Shayd.. Dil ko mere kuch yaadein yaad aayi hai...

Ab mili jo raahe nayi mujhe.. rasta uss aangan ka bhi badal gaya,
Pal pal waqt ke fer aise.. iss aangan ka wazood hi ab mit gaya
Thi hawale jinke matti is aangan ki.. chhor diya ab unhone bhi iska saath
Shayad soonepan me nikali cchikh hi thi mere aangan ki, jo khinch laayi mujhe yanha aaj
Boondein jo baris ki katra katra iss samandar ko bhigo rahi,
Deeware bhi iss ghar ki mere dekhte doobte uss aangan ko ro rahi..
Ubb gaya aangan bhi ab mera sunne ko apno ki pukaar,
Thak gaya takte takte raahe pyaar ki.. jaane kab aayegi yanha ab wo bahar..

Dard jo iss aangan ka mujhe yanha bula laaya hai,
Pyaara har pal har manzar wo.. fir se aankhon ke samne aaya hai..
Hai begaane se jo apne unko to bhool bhi jaun..
Par suni thi janha nani ki wo kahaniya uss aangan ko kaise bhulaun ??
Hui ghariya khatam intazaar ki ab iski, aam ka wo per yanha ugne ko fir tayaar hai,
Hun arsh pe aaj main.. par ahem mera uss samamdar ki khatir jhukne ko tayaar hai..
Hoga gulzaar ye aaj bhi.. hua iska ise bhi ab ehsaas hai..
Kyunki dil ke kisi kone me kanhi.. kisi ko kuch yaadein aaj bhi yaad hai.....

Is there any Answer ??

I do not know how it all begins... But the time comes, sooner or later, when all of us at some time, somewhere is looking for answer to this question.. I do not know what is the answer.. Maybe I do not even want to know what the answer is.. But I would like to know for sure when will it finish ?? The question is, what true peace is ?? What is the true path of peace ??

We all want love, we all want peace.. But that is how we try.. When you are hurt, you learn to hate.. You only think you're right.. You think your pain is bigger than of them.. On the other hand, when you hurt someone, you are resented... Because you only get it right.. The second aspect of the coin you do not want to see... But somewhere in a corner of the heart you know you have to do.. You start to ask yourself.. Even though everything down to the front, there is a quake of questions in your mind.. So you can bring out peace, you are right in thinking that, by imposing your decision on others.. Here is a chain of hatred begins.. You start to feel guilty as well.. You don't know why... When you know you're right, then why is it so...

Perhaps it is because we do not understand each other.. Maybe the pain will be finished if we start to understand each other.. But is there a formula so that people can really understand each other and from the heart ?? If not that, then true peace will never get.. People will continue to hate each other.. Wars continue.. This link will continue to hate.. Hate will give birth to pain.. Thus, they will continue to link.. The pain will never be killed...

However, understanding such pain enables you to be kind to others... Because you know how it feels.. Knowing pain helps us to grow up, to mature.. And to grow up means being able to think.. And make one’s decisions on their own... To know and reflect on pain, and come up with your own answer... No matter if there is an answer or not.. No matter the answer you come up with is right or wrong.. You keep on looking.. Perhaps, some come up with an answer.. You are satisfy with your theory.. You conceive yourself somehow..

And here is their answer.. DEATH.... Is this really an answer ?? This is just a way of escape.. This can never be an answer.. And if this is not the answer than what is ?? When will we all start understanding each other ?? How will this pain of hatred end ?? Surely, we all have to try, to search, for the answer.. Not in a book, but in our heart... Start asking yourself.... Is there any answer ??

Ungrateful Bitch

Not a complete work... will update soon....


I just found that I was happy,
In that little world everything was merry,
Me, myself, my dreams.. that was my little world,
Which for any reason I needed not to unfurl,
It was the folk who enhance my dreams,
Now my thought uplifted and flow like a stream,
I found the place, kept myself on the ridge,
And now you call me an ungrateful bitch..
I saw people walking holding hands,
I wished the same but didn't find a stand,
I show my fate, and you just stabbed,
I learned my lesson, made myself drabbed,
For me now I am only my world,
Sake me and don't make it a curl,
You wish I should thank you for that unbidden help,
Depart me as now I am an ungrateful brat..
On that little pleading you always made me silent,
And that arrogance made me violent,
You was living for your dignity,
And I was leading my adversity,
Whenever I raised my voice you mortified,
I battled in my mind and made myself fortified,
I learn to speak my mind at my own,
then why to thanx you and take your loan ??
Nevertheless I crave to cry rather for your twitch,
Thank you!! For making me an ungrateful bitch...

SYAHI

Jam ashkon ka aankhon me hai kuch is kadar bhara,

Do boond aur gire to chalak jaye..

Karti hai aankhein gar byan har raaz dil ka,

to koi inki khamoshi bhala kyun na par paye..

Beh gaye moti kayi in aankhon ke, ban kar jab sagar,

Ki ek koshish, bandhne ki aankhon ka ye samandar..

Ro kar aankhon se ashkon ko juda to har koi karta hai,

Par mujhe is dard pe hasna achcha lagta hai...

The gam to apni zindagi me bhi kayi,

Par mile raahon pe kuch log jo humse bhi the gamseen..

Khud ke liye bhala ab talak kya kar paye the ??

Socha is bebashi me bhi inka saath nibhayenge..

Bhool ke manzilein apni, rasta unhe dikhaya..

Aaya waqt fir wo bhi, jab unhe humse alag raasta nazar aaya..

Haath chor humara wo bar gye aage kanhi,

Bhool gyae wo hum khare hai raahon me abhi bhi wanhi..

Kha ke thokar is kadar, raah pe shaksh to har ek ruka karta hai,

Par mujhe unhi thami raahon pe fir se chalna achcha lagta hai...

Tor di umeede mene ab jo thi zamane ko mujhse..

Kyunki us bojh ko aur dhona mere liye ab mushkil hai..

Hairan hai is baat pe wo, kaise fisal sakti hai dor is kathputhli ki haaton se unke ??

Par vicharon ke is manthan me doob ke apne usoolon pe chalna mere liye ab mumkin hai..

Main main nahi ab, ye shikayat hai sabko..

Puchte hai nahi tha ye to chehra tera ??

Par zinda hun hi kanha ab main ??

Ye sawal hai unse ab mera..

Pee ke zahar aisi ruswai ka, ye shaksh to har pal marta hai..

Par na jaane kyun mujhe inhi ruswaiyon ke sang jeena achcha lagta hai...

Bol na payi lafzon se kabhi,

Shikayte reh gayi meri unsuni..

Thama jo saath syahi ka haato me,

Kar diya byan har raaz kagzon me kanhi..

Panne paltte rahe kitabon ke..

Par jaan na paya kahani ye koi..

Kya hai koi jo shabdon ke is mayajaal ko samjhta hai ??

Toot gayi hai ye kalam bhi ab to..

Fir bhi mujhe Likhna achcha lagta hai....

SHOR

Kyun Dil ye Itna Tanha.. Kyun mann Itna Khamosh hai..

Puchh rahi ek Aawaaz mujhse.. Aur sayad.. sayad wo mere andar ka hi Shor hai..

Dekh ke Panchhiyon ko Aasmaan me urta ye mann bhi urne ki chahat karta tha..

Par Dil nahi tha mera koi Aazaad Parinda.. ye soch kar mann bhi khamosh rahta tha..

Sayad isiliye aaj Dil ye Itna Tanha aur mann Itna Khamosh hai..

Insaan hun main.. Insaaniyat ke Rishton me kuch yun jakri hui..

Kisi ke Jhoote Abhimaan ki khatir mene.. mene apne Dil ki bhi na suni..

Hun Khuda se puchhti aaj main.. Jab the saksh itne yanha.. Fir kyun mujhe bhi Insaan bana diya ??

Iss par berahmi ye teri.. Dekar kuch Armaan iss Dil me mujhe.. Anjaane riston ke bich fansa diya..

Hai Dil ki urne ki chahat.. Khawaab sanjona to iski fitrat hai…

Par kaise sunu main iski ?? Kyunki is beraham duniya me jeena to mujhe hai..

Soch kar is jamane ka.. katal mene khud apne armaano ka kar diya..

Rota raha Dil ye mera.. Aur.. Aur unn Aansuo se bujh gaya mere armaano ka diya…

Ek Dil hi to tha Dost mera.. Ek Dil hi to tha Duniya me apna…

Aaj wo bhi mujhse naraz hai.. Puchhta hai kyun chhora mene usko yun Tanha..

Dekh ke Dil ki ye Tanhai.. Main bhi ab Khamosh hun..

Zindagi meri naraz mujhse.. Aur main.. main bas ek zinda laash hun…

Bheer main ab bhi main kabhi kabhi muskurati hun… Kyunki Bejaan apne iss Dil ko Duniya se jo chhipati hun…

Na kaho mujhse ab shamil hone ko kisi Jashan me.. Wo khushi to bas do pal ka nasha hai..

Rehne do mujhe in Tanhaiyon me.. Jeene do mujhe in Khamoshiyon ko…

Kyunki ab… Ab to bas inhi me jeene ka maja hai...